Ăp đại biểu uănh lah dự thảo Bộ luật Hình sự (nkra rgâl) dŭt âk, na nê̆ đah nău mĭn ndâk njêng luật mhe, dơi geh tŏng ăp tâm ban đah mhal rjăp ăp nău tih klach mhe n’hanh nău pơk hvi nău kơl nta an, kơl nuĭh bah Ngih dak. Tĭng nĕ, nuĭh tih nchrăp lor trok tâm, mkra khuch khat tâm ban mkra dơi uănh mĭn tay rnoh kơl an âk lơn gay ntrŭt nsôr nuih n’hâm lĕ đah nău kan.

Geh tât nău ntrŭnh mpeh trong mhal nkhĭt săk, ăp đại biểu tâm ban ŭch jăng lơi nău nkhĭt săk ta 4 nău tih lơh rnă njrăng neh dak lah nău tih ƀư rŭng răng, tih dun n’gang kon nuĭh, tih dôih tâm lơh tâm su n’hanh tih lơh rŭng răng gay dun n’gang n’gâng kan ƀon lan. Ăp đại biểu dăn đă mô dơi jăng lơi nău tih nkhĭt săk đah tih dôih tăch rwăt ma túy ta rnoh âk mô lah nuĭh tơm nchrŏng trong. Ăp nău rgop ta rơh rƀŭn tâm ban ŭch đŏng đah nău dự thảo lĕ nkra tay ăp nău tih dôih ta ntŭk mạng tĭng trong ƀư, bah nchrăp lor, rdâk ƀư tât ƀư tĭng, yor n’gang bah nău nchrăp lah mbra dơi n’gang nău khuch bah nuĭh ƀon lan lor rnôk nău rgâl lơi.