Tâm lvang 1, mpôl kan dơi kan n'gor Lâm Đồng lĕ ƀư 32 rơh hăn ôp uănh, joi, rgum geh 26 nting tahen khĭt mô hŏ gĭt năl săk. Ăp ntŭk kan lĕ ƀư sŏk ntil mham 3.625 nting tŏng nău dơi rhŏ dŏng uănh năl ADN, ƀư lôch bah năp nar ton 3 khay. Công an n'gor Lâm Đồng lĕ sŏk rlău 1.300 ntil nting mham bah nuĭh tâm rnăk wâl tĭng ndul mpôl me ăp tahen khĭt mô hŏ gĭt năl ntơ săk. Tĭng ƀư lvang kan rơh 2 tâm Nău kan 500 nar măng joi, rgum n'hanh năl săk nuĭh tahen khĭt, n'gor Lâm Đồng ndơ̆ nău rƀŏng rgum geh nklăp 100 nting tahen khĭt. Gay dơi geh nău rƀŏng aơ, n'gor n'hao tay nău dơn kan bah lĕ trong chính trị, rgŏ jă nuĭh ƀon lan mbơh nău lư ntŭk gĭt. Mpôl kan na nê̆ ƀư nău kan lŏ tâm rgop uĕh đah ăp mpôl kan, n'gâng kan ta ntŭk n'hanh nuĭh ƀon lan ta ntŭk./.