Kêng măng 21/10, tâm xã Ia Dom, n’gor Gia Lai, Binh đoàn 15 ndrel ăp rmôt tâm Ntŭk tâm rlong mrô 8, N’gâng kan neh dak ƀư nau leo dŏng, jao Ngih rƀŭn rgum văn hoá ndrel ntŭk ƀư “Manh ang ƀon lan”, pă ân kônh wa ƀon lan tâm nkuăl n’har bri mpeh ba lơ bah n’gor Gia Lai. Ngih rƀŭn rgum geh ntuh kơl nkra 3 rmen prăk, geh rnoh hvi ndâk nkra geh 156 mét vuông, prêh 21,1 mét, nkra tĭng nau ƀư kơt bah rnoi Jarai. Ntŭk ngih aơ geh nchrăp ăp ndơ kơt trong điện, rdâng nglaih dah, njrăng ŭnh sa tâm ăp ntŭk, pơk luh trong kan rƀŭn rgum nsum bah ƀon lan, ƀư ăp nar rgum rƀŭn ndrel mât ăp nau ơm yau ueh bah rnoi mpôl.

Ndrel ma rnôk aơ, ăp rmôt kan jao ntŭk nkra “Manh ang ƀon lan” tâm ăp xã Ia Nan, Ia Pnôn ndrel Ia Krêl. Đah tơm prăk kơl an ndâk nkra 1,6 rmen prăk tâm rơh 2 năm 2026, bôk nau kan nchrăp geh ƀư rnglăp 533 n’gâng ŭnh mpoh ang tâm 18 km trong hăn, tâm 12 ntŭk ƀon lan gŭ tâm Gia Lai, Quảng Ngãi ndrel Quảng Trị. Ăp ntŭk n’gâng điện nkra rgop nau rgâl nau rêh, đăp mpăn rnă njrăng, đăp mpăn nau rêh ndrel ƀư rjăp lơn tay nau tâm boh tâm rnglăp tahen ndrel ƀon lan tâm nkuăl n’har bri./.