Tổng Bí thư, Kruanh dak Tô Lâm an gĭt, Việt Nam n’gluh rnoh tât jêng dak rĭng geh âk, công nghiệp têh uĕh mhe tâm năm 2030 n’hanh dak hun hao, nsĭt geh wăng sa âk tâm năm 2045. Việt Nam ntrŏng khoa học công nghệ, rgâl blău njêng mhe, wăng sa gĭt blău n’hanh rgâl nđĭr uĕh lah ăp suan ntrôl khlay; nkre sŏk kon nuĭh ƀư rgum tơm, đăp mpăn nuĭh ƀon lan geh dŏng bah hun hao tâm ban, ngăn ngăn.

Rnê âk tâm boh dêh bên 55 năm đah bar dak, Tổng Bí thư, Kruanh dak dăn đă rdâk njêng tâm trôm tâm boh têh jong n’hanh lam lĕ rngôch lơn, pơk hvi tâm boh mpeh tăch rgâl, ntuh kơl, ntĭm nti, khoa học công nghệ, ŭnh nar n’hanh rgâl nđĭr uĕh. Bar ding ân n’hao âk tâm ôp khâl nuĭh rnâng kan, ntĭm nti tơm nuĭh kan săk blău âk n’hanh ntrŭt ntrôl ndơ̆ rgâl công nghệ. Mpeh hun hao jŏ jong, Việt Nam ŭch rŏng ndrel Đan Mạch n’hao âk rơh tâm dâl nău, tâm boh mât đăp mpăn rnă njrăng, uĕh lăng n’hanh dah rŏng nchuăn rdeng dak lêng tâm di đah luật pháp dak bah dih, rgop rdâk njêng lam ntŭr neh, tâm ban n’hanh hun hao jŏ jong.