Tâm nchră ta Rmôt mpeh trong nchrăp Luật Tâm rlong rnoh khlay drăp ndơ (rgâl nkra) tâm ôi ntri, 19/10, Kruanh Quốc hội Trần Thanh Mẫn lah rjăp, nău glo tơm bah trong ƀư wat jêh luật dja ân găl, di trong nchrăp bah Đảng, lơn lah nghị quyết ƀư wat jêh trong tĭng wăng sa ntŭk tăch rgâl, rƀŏng tât xã hội chủ nghĩa; ân njrăng n’gang sa khâm, tih djơh tâm trong mât dŏng drăp ndơ, neh ntu ngih dak.

An nău rgop na nê̆ mpeh trong nchrăp luật dja, Kruanh Quốc hội an lah ân tâm pă kloh n’glĕ nău dơi rgâl n’hanh đăp mpăn dơn ngoăy, ăp kôp đah lam trong kan pháp luật. Luật ân quy định dơn ngoăy mpeh rêng ƀư, siƀŭt leo ƀư tâm rlong rnoh khlay dơm. Kruanh Quốc hội dăn đă Mpôl nchih rgum gŭ mĭn: ăp nkô̆ bah năp n’hanh bah kơi rơh tâm rlong rnoh khlay kơt nău geh ndrăp ndơ n’gluh tâm rlong rnoh khlay, ntrŏng năl rnoh khlay ntơm bôk năp, n’glĕ nău dơi n’glêh an, uănh năl lôch jêh nău dơi n’glĕ dŭt, nôp prăk, jao drăp ndơ ân dơi an tâm di tâm trôm pháp luật way kan.