Ôi 21/10, ta Ndrâm ndeh păr hăn dak bah dih Cần Thơ (nkual tahen), Bộ Tư lệnh Quân khu 9 kan nsum đah Quân chủng Phòng không - Không quân n’hanh ăp n’gor, nkual ƀon têh tâm nkual Đồng bằng sông Cửu Long khuh n’gôr ƀư njŭn, rdeng ntil nting tahen ơm khĭt gay uănh năl ADN an năl săk tahen ơm khĭt ma ndeh păr rdeng ndơ CASA-C295 Lữ đoàn 918 (Quân chủng Phòng không - Không quân). 

Njăr trong hăn rdeng 8.453 ntil nting tahen ơm khĭt ma ndeh păr rdeng ndơ tahen rơh dja dŭt jêh nău sŏk ntil nting bah Trong kan 500 nar măng. Aơ lah ntung nthoi trong trôk huêng khlay nthoi đah kăl e dăng janh đah aƀaơ bah nău nkah gĭt. Tĭng ntil nting tahen ơm khĭt nkrum Lha cờ gŭr ntơr lah du chông ŭnh mpoh, lah nău ôp kuăl ngăn bah kăl e n’gloh tât. Aơ mô dơn lah njăr trong hăn bah khoa học n’hanh công nghệ, ma lah bôk ndeh păr bah tâm rŏng ndrăng băl, dêh rŏng bah ƀon lan, nsĭt nkre nău nsing nơm, mpŏng kâp, rthi bah ăp nău rngot klâng rlău mô gĭt dah âk năm khay mpŏng kâp.