Bar ntŭk kan geh lĕ rngôch rnoh prăk 5 rmen prăk yor N'gâng kan mât njrăng bri dak ntop kơl, gay rgâl uĕh ntŭk gŭ rêh, n'hao tâm rnglăp tahen - ƀon lan n'hanh rgop mât uĕh nău way ơm rnoi nuĭh. N'gâng kan ntĭm rđău Tahen n'gor Dak Lak dơi jao ƀư tơm ntuh kơl, tâm rgop đah gưl ủy, n'gâng kan ta ntŭk mbơh ƀư ndâk ƀư. Tâm nĕ, jay rgum rƀŭn nsum mpôl ƀon Kđoh dơi ƀư tĭng nău ƀư jay jong way ơm bah rnoi Rđe, rnoh hvi 150 mét vuông; ndơ ƀư ta thôn 12, xă Ia Rvê geh rnoh hvi 180 mét vuông, dơi ƀư tĭng nău ƀư jay rgum rƀŭn. Ăp ndơ ƀư mbra lah ntŭk nuĭh ƀon lan tâm nđŭr, tâm rgâl nău blău ơm nkra njêng, ƀư nău kan văn hóa, njroh mprơ, thể thao. Di rơh aơ, ăp ntŭk kan pă nklâm ndơ an nsum mpôl ƀon lan, rnăk dơi kơl n'hanh rnăk geh nău rêh jêr jŏt ta ntŭk.