Dak Lak dăp rgum tâm pă, đăp mpăn ƀon lan gŭ nkual n’har bri Ia Rvê
Thứ ba, 14:29, 27/10/2026
VOV Tây Nguyên/Nuĭh rblang: Điểu Thân
VOV Tây Nguyên/Nuĭh rblang: Điểu Thân
VOV.M'nông- Ta xã n’har bri Ia Rvê, Ban Chỉ huy Tahen n’har bri n’gor Dak Lak pah kan đah gưl ủy, n’gâng kan ta ntŭk mpeh an ƀư dăp rgum, tâm pă, đăp mpăn ƀon lan gŭ nkre đah hun hao wăng sa - rêh jêng kon nuĭh, n’hao dăng njrăng n’gang neh dak, rnă njrăng n’hanh tâm boh dak bah dih ta nkual n’har bri Việt Nam – Campuchia lôch tâm pă n’har, ntăm n’gâng.
Tĭng trong dăn đă, nchrăp an ƀư ntơm bah aơ tât năm 2035, tâm pă jêng bar rơh, đah lĕ rngôch tơm prăk dŏng nchrăp rlău 214 rmen prăk. Lvang năm 2026-2030, nchrăp ntuh kơl bơi 135 rmen prăk gay n’hao têh hvi trong hăn tâm nkual ƀon lan gŭ, trong luh hăn mir ba; rdâk njêng nhih nti mẫu giáo, phân hiệu nhih nti tiểu học, nhih dak si xã, jay rgum ƀon n’hanh nhih pah kan thôn. Trong nchrăp nkre ntop kơl tâm pă, đăp mpăn 50 rnăk ƀon lan, rdâk njêng jay gŭ, pơk joi neh tuch tăm mhe, tăm rơ̆ jêng ba lŏ, tuh mbo bum biăp n’hanh si tăm, ndơ mât. Lvang năm 2030-2035, nchrăp ntuh kơl 79 rmen prăk gay tâm pă, đăp mpăn 50 rnăk ƀon lan, nkre đah ntop kơl jay gŭ, pơk hvi neh tuch tăm mhe n’hanh joi geh âk trong rêh.
Viết bình luận