Bôk nău kan dơi ƀư na nê̆ ta Công an n’gor, boăt nthoi trực tuyến tât 124 xă, phường, đặc khu, gay n’hao blău năl, njrăng n’gang n’hanh mkra ăp nău geh n’grŭn mpet kon se ta ntŭk mạng. Ta nar tiăr nti, ăp nuĭh nti dơi ntĭm gĭt năl ăp nău rlăm, nău lơh mbram nău dơi êng, nsŭk rlăm n’hanh lơh djơh nău mĭn kon hŏk ta ntŭk mạng.

Lơn lah, bôk nău ƀư khlay mbơh lor nău rlăm nău mĭn njêng mhe gay rlăm rup gui, bâr ngơi n’hanh rlăm săk gay gĭt tât, lơh mbram kon se. Công an n’gor Lâm Đồng đă cán bộ, nai dŏng nău gĭt lăp ngăn, ngăch saơ, ntop kơl kon hŏk rnôk mâp nău khuch klach. Jêh tiăr nti, ăp ntŭk, ngih ntĭm nti na nê̆ mbơh rblang nău mhe, tâm rgop đah rmôt Công an ndâk njêng trong mât njrăng kon se ta ntŭk mạng.