Ôi 27/3, ta Hà Nội, Bộ Tư lệnh Cảnh vệ ƀư nkah ndray 50 năm Nar njêng Trung đoàn 375 (28/3/1975- 28/3/2025) n’hanh wơt dơn Huân chương Chiến công hạng Ba.

Ntăm Huân chương chiến công hạng Ba an Trung đoàn 375 n’hanh lah ta rơh lễ nkah ndray, Groi kruanh dak Võ Thị Ánh Xuân mbah rhơn n’hanh mpư rnê nău nsrôih, ăp nău dơi ngăch prăl mha êng ma ăp rơh kơn kruanh rđău kan, nuĭh mât bôk kan tahen, cán bộ, tahen Trung đoàn 375 - Bộ Tư lệnh Cảnh vệ hŏ dơi geh tâm bah ri aơ nơh. Groi kruanh dak lah kloh, năm 2025 lah năm n’glĕ dŭt năm kan, geh nkô̆ hôr khlay mha êng; lah năm nkah ndray ăp nar lễ têh bah neh dak; ƀư đại hội đảng bộ ăp gưl hăn tât Đại hội tâl XIV bah Đảng; dăp rgum tay nuĭh kan n’hanh n’har neh mât kan, tâm nê geh nuĭh kan bah Mpôl Công an ƀon lan tĭng trong rƀŏng glêh, tam, dăng, yach ngăch, nsĭt geh nău dơi ngăn.