Ôi ntri (19/4) ta Nhih pah kan Chính phủ, Groi thủ tướng Trần Hồng Hà râng rơh hop mpeh Đề án dăp rgum lam lĕ rngôch ăp nhih dak si mpeh Bộ Y tế lvang năm 2023-2030. Thứ trưởng Bộ Y tế Đỗ Xuân Tuyên an gĭt, pah kan dăp rgum tay lam lĕ rngôch nhih dak si mpeh Bộ Y tế tĭng trong rƀŏng hŭch bôk nuĭh mât kan na nê̆, đăp mpăn tĭng ƀư di nău mĭn, trong nchrăp bah Đảng, pháp luật bah Ngih dak, tâm di dăp rgum nhih dak si gưl neh dak n’hanh nô nău ngăn geh.
N’glôch jêh rơh hop, groi thủ tuớng Trần Hồng Hà lah rjăp: nău dăp rgum tay lam lĕ rngôch nhih dak si mpeh Bộ Y tế, tâm ban kơt ăp n’gâng kan gay ƀư ntuh kơl, rdâk njêng ăp ntŭk dak si geh tŏng nău dơi tĭng ƀư rnoh tât n’hao săk tam but săm ji an nuĭh ƀon lan. Groi thủ tướng Trần Hồng Hà đă Bộ Y tế ra uănh tay ăp tŏng, dăp rgum tay lam lĕ rngôch nhih dak si mpeh n’gâng kan tĭng rnoh di geh aƀaơ; nkre uănh khlay ntuh kơl ăp nhih dak si chuyên khoa tâng jru, nău kan ta ăp ntŭk jêr jŏt, nkual jru, nkual ngai yơn mô hŏ tât di rnoh nhih dak si têh dâk bôk năp./.
Viết bình luận