Duh phang, kro ntang jŏ khay ƀư an rhoăng rbăn ha bri ta lĕ 10 nkuăl, nkuăl ƀon têh ta n’gor Kon Tum tâm rdâng đah nău ŭnh sa dŭt âk. Ăp nuĭh tơm bri lĕ n’hao tay mpôl kan gay ma mât bri. Wa Ngô Tùng Khoa, Groi Giám đốc Công ty TNHH Một thành viên mât tăm bri Ngọc Hồi, ntŭk mât uănh rlău 23.400ha bri, an gĭt, nău njrăng ŭnh sa bri dôl geh ntŭk kan mât uănh bôk năp.

N’hao lĕ nuĭh kan njrăng rdâng ŭnh sa, ăp ntŭk tơm bri ta Kon Tum an geh tâm rdâng đah nău mô tŏng kan, geh âk nău jêr. Rnoh neh bri âk yơn mpôl kan ƀư nău kan mât bri mô âk, ndeh klư njrăng rdâng ŭnh sa mô âk. Nău mât njrăng nuĭh luh lăp ta bri kơt lah njrăng dŏng su ŭnh mô âk geh yor âk rnoh neh bri săch đah trong hăn, mir ba bâh ƀon lan.