Dơn nău jă bah Kruanh dak Lương Cường n’hanh I ur, Nuĭh Kđăch dak Bỉ Philippe n’hanh I ur khâl gưl ngih dak Việt Nam bah nar 31/3-4/4/2025. Ôi 1/4, jêh ƀư wơt gưl ngih dak dơi ƀư têh ta Ntŭk Kruanh dak, Kruanh dak Lương Cường n’hanh Nuĭh kđăch Bỉ Philippe lĕ geh rơh rgum ôp. T

a rơh rgum ôp, Kruanh dak Lương Cương mĭn lah Việt Nam uănh khlay mro n’hanh mpŏng ŭch n’hao kan ndrel âk ntil đah Bỉ, dak geh nuĭh ƀư tơm n’hanh nău ngơi khlay tâm EU; nkoch nău ryơk nău kơl têh bah nuĭh ƀon lan Bỉ an Việt Nam tâm nău kan njrăng n’gang sŏk đăp mpăn rnoi nuĭh bah năp đaơ, kơt ăp nău rŏng uĕh n’hanh nău rgop bah êng Kđăch n’hanh I ur dak Bỉ an neh dak, nuĭh ƀon lan Việt Nam n’hanh tâm boh 2 ding năm bah năp. 2 nuĭh kruanh lĕ tâm rgâl mpeh ăp trong nchrŏng kan ndrel têh đah 2 dak gay ndơ̆ tâm boh dăch dêh, way ơm Việt Nam-Bỉ hăn jru hvi, ngăn ngên, săk rnglăy, geh n’hao tâm mâp n’hanh tâm rgâl rmôt ăp gưl, mbơh ƀư săk rnglăy tay, lĕ rngôch ăp trong Đảng, Ngih dak, Chính phủ, Quốc hội; mbơh ƀư săk rnglăy ăp trong ƀư kan ndrel ăp ding geh aƀaơ n’hanh mĭn ndâk njêng ăp trong ƀư kan ndrel mhe gay ƀư jru kan ndrel nău way kan đah 2 dak.