Kêng măng 31/3, ta Jay Quốc hội, Kruanh Quốc hội Trần Thanh Mẫn ƀư tơm rơh hop bah Ủy ban Thường vụ Quốc hội an nău rgop mpeh nău nchrăp Rơh hop tâl 9, Quốc hội khóa XV. Lah ta rơh hop, Kruanh Quốc hội Trần Thanh Mẫn an gĭt, rơh hop dja geh dŭt âk nkô̆ khlay, geh tât trong  kan wăng sa- rêh jêng kon nuĭh, njrăng n’gang neh dak, rnă njrăng n’hanh rdâk njêng lam htrong kan chính trị bah neh dak.

Lơn lah rơh hop an nău rgop mpeh nău rgâl nkra du đêt nkô̆ bah Hiến pháp năm 2013, geh tât nău glêh tam nuĭh kan tĭng nuih n’hâm Nghị quyết 18. Lah n’glôch jêh ta rơh hop, Kruanh Quốc hội Trần Thanh Mẫn tâm ban ŭch dơn ngoăy đah siƀŭt mbơh bah Tổng thư ký Quốc hội. Kruanh Quốc hội Trần Thanh Mẫn dăn đă Chính phủ n’hanh ăp nhih pah kan ƀư nsum lhăt tay, nsrôih dŭt âk gay ƀư wat jêh siƀŭt, rgum nchih ăp nkô̆ rơh hop, lơn lah ăp nkô̆ hao rblang dăn Quốc hội mĭn uănh an dŏng tĭng rêng rơh hop; hao rblang dăn Ủy ban Thường vụ Quốc hội tâm khay 04/2025, bah ir an ntruch tay rơh hop tât khay 5.