Kêng ôi 2/4, (tĭng mông Hà Nội) Kruanh Quốc hội Trần Thanh Mẫn n’hanh I ur ndrel mpôl đại biểu gưl prêh dak he lĕ tât tach ndeh păr Quốc tế Zvartnots, Yerevan, ntơm rơh hăn khâl na nê̆ Cộng hòa Armenia tĭng nău jă bah Kruanh Quốc hội Armenia Alen Simonyan bah lơ 2 tât 5/4/2025. Nchrăp tâm rơh khâl na nê̆ Cộng hòa Armenia, Kruanh Quốc hội geh ăp rơh rgum ôp, tâm nchră đah kruanh gưl prêh bah băl.

Kruanh Quốc hội wơt rmôt Nghị sỹ Hữu nghị Armenia-Việt Nam; khâl Đại học Tổng hợp Quốc gia Yerevan; Râng rgum nchră Doanh nghiệp Việt Nam-Armenia. Rơh khâl bah Kruanh Quốc hội Trần Thanh Mẫn n’hanh I ur ndrel Mpôl đại biểu gưl prêh Việt Nam tât Armenia mô knŭng gay nâp nâl tâm boh Chính trị, nghị viện, ma hôm pơk luh ntrôl kan ndrel wăng sa, tăch rgâl n’hanh ntuh kơl-ntil nău lĕ 2 dak dơi geh têh kuăng gay ndrel joi ƀư; ntrôl kan ndrel ăp ntil nău ăp n’gâng kan, nău kan bah 2 dak gay nâp jăp tâm rnglăp dăch dêh way ơm đah ƀon lan 2 dak, mĭn nchrăp ăp trong n’hanh trong mkra n’hao săk rnglăy kan nsum geh sa đah 2 ding.