Trong ƀư uănh săch mbra dơi n’gor ƀư lam hvi. Trong  ƀư tâm rlong săch kơt dŏng đah ăp ngih samƀŭt THPT chuyên. Năm aơ n’gor Lâm Đồng geh rlău 54.800 kon hŏk jrô 9; rnoh an săch lăp jrô 10 ăp ngih samƀŭt công lập bah n’gor năm nti tât lah bơi 45.000 kon hŏk. Tâm nĕ, ăp ngih samƀŭt THPT uănh an săch 42.500 kon hŏk; 4 ngih samƀŭt THPT chuyên tâm rlong săch bơi 1.300 kon hŏk n’hanh ăp ngih samƀŭt PT DTNT uănh an săch rlău 1.000 kon hŏk.

Trong ƀư săch tĭng ta ntŭk. Ta nkual kâng n’har đah ăp xă phường, kon hŏk dơi dăn uănh săch tĭng nău ŭch uănh săch lăp ăp ngih samƀŭt êp ntŭk gŭ. Nar dăn nchih săk uănh săch jrô 10 ăp ngih samƀŭt Công lập ta n’gor Lâm Đồng dơi ƀư bah lơ 25-30/5 đah trong ƀư trực tuyến. Nău uănh săch mbra dơi ƀư bah lơ 15-24/7 n’hanh jêh uănh săch ta năp lơ 31/7. Jêh nĕ, ăp ngih samƀŭt THPT bah dih công lập, ăp ntŭk ntĭm nti thường xuyên, ntŭk ntĭm nti nău kan ta Lâm Đồng mbra ƀư săch n’hanh jêh ta năp lơ 31/8/2026.