Kêng măng 9/4, ta Hà Nội, tâm trôm nar Hội chợ Pâl nđaih gưl neh dak Việt Nam – VITM 2026, n’gor Gia Lai kan nsum đah Hiệp hội Pâl nđaih Việt Nam ƀư Tâm nchră ntrŭt ntrôl pâl nđaih, wăch rgum nău uănh khlay bah âk mpưm doanh nghiệp, nuĭh ntuh kơl n’hanh ăp nuĭh tơm leo hăn pâl jong nar.

Nău Gia Lai đăng cai năm pâl nđaih gưl neh dak 2026 dôl nta ăp trong dơh gay n’gâng kan pâl nđaih đăt ndal, pơk hvi trong nkơnh n’hơ rup gui n’hanh wăch rgum năch pâl nđaih. Đah nkô̆ “Bri neh têh hvi mâp dak lêng ư̆r”, Gia Lai dôl rƀŏng tât rdâk njêng du ntŭk pâl nđaih tâm ntêng lêng nsum đah dor yôk n’hanh bri dâng, đah bri dak dĭ hvi n’hanh ăp rnoh khlay văn hóa săk ntơr êng. Ăp doanh nghiệp hăn pâl jong nar rnê âk săk geh bah Gia Lai, lơn lah ăp ndơ geh ƀư pâl nđaih bri dak, văn hóa n’hanh rlong saơ. Yơn lah, gay mât dŏng geh nău tam, ân geh nău tâm nkrêp kan nsum lhăt lơn đah n’gor, doanh nghiệp n’hanh ăp mpôl kan wăng sa.\