Ta năp jêr jŏt rnoh khlay ndơ ndâk ƀư hao âk, UBND n’gor Gia Lai lĕ pah kan đah ăp n’gâng kan, nău kan n’hanh doanh nghiệp gay joi trong dôh rklaih jêr jŏt, đăp mpăn nău ndâk ƀư. Tâm khay 3/2026, rnoh khlay âk ndơ hao kơt loih hao 11-14%, xi măng bơi 14%, chay rlău 30%, cáp điện hao 30-40%, ƀư âk nuĭh ndranh ƀư an rlu.

Rlău ma nĕ, ntŭk tăch lŭ choih tâm di, ngăn lah choih, hôm e đêt. Ta năp nu nău aơ, n’gor Đă ăp ntŭk kan uănh joi, mbơh rnoh khlay ndơ lŭ choih n’hêl na nê̆; kơp uănh, nkra rgâl tâm ton rnoh khlay nâp nâl; nkre n’hao ngăch joi nkra, ntrôl nkra njêng choih ƀư mhe n’hanh rmal rjăp ăp ntŭk mbrơi mbơh ƀư. Gia Lai mbra ƀư trong mbơh ndal gay groi nđôi ntŭk tăch, rlăm samƀŭt nchih, tŏng ăp ntŭk tăch n’hanh ngăch ăp ndơ ƀư khlay.