Nar 8/4, ta Nhih pah kan Kruanh dak, ƀư tâm nchră mbơh n’glêh an bah Bộ Chính trị nchŏng đă Ban Chấp hành, Ban Thường vụ, Bí thư, Groi Bí thư Đảng ủy Chính phủ n’hanh mbơh ăp n’glêh an ntăm n’hao nuĭh râng Chính năm kan 2026–2031.

Tổng Bí thư, Kruanh dak Tô Lâm hŏ ndơ̆ n’glêh an Bí thư Đảng ủy Chính phủ, Thủ tướng Lê Minh Hưng ndrel ăp nuĭh Rnâng kan; nkre ndơ̆ n’glêh an ntăm n’hao Groi Thủ tướng Rnâng kan Phạm Gia Túc, Đại tướng Phan Văn Giang ƀư Groi Thủ tướng, Bộ trưởng Quốc phòng, ndrel ăp Groi Thủ tướng n’hanh bộ trưởng, kruanh nhih pah kan tâm ban bộ. Lah ta rnôk tâm nchră, Tổng Bí thư, Kruanh dak Tô Lâm lah kloh năm kan mhe mô dơn lah nău nđơn tay ma lah njuat hao mbah kơn mhe hun hao têh lơn, nău dơi n’glĕ dŭt ân weh ma săk geh nău rêh bah ƀon lan n’hanh ntŭk gŭ kan têh khlay, nău nsing nơm bah neh dak. Tổng Bí thư, Kruanh dak lah rjăp nău khlay dâk bôk năp bah Chính phủ năm kan mhe lah nta trong hun hao, pơk luh ntŭk hun hao, njêng suan ntrôl hun hao mhe n’hanh n’hao nău dơi tĭng ƀư gay tât rnoh ndơ̆ luh.