Lơ 7/4, UBND n’gor Dak Lak ƀư rƀŭn vay ăp khay, nchră tât nau kan văng sa, rêh jêng ndrel ntrŭnh ƀư nau kan tâm rơh tât. Nau tơm bah rơh rƀŭn lah ăp nau kan hun hao tâm 9 khay hôm e gay geh dơi nkô̆ nau hun hao năm 2026 ntơm 10% hao gŏ lơ. Tĭng nau mbơh tâm nar rƀŭn, GRDP tâm 3 khay bôk năm bah n’gor Dak Lak geh 7,47%, dêh ngăn rđil nau nchrăp đă. Du đê̆ nau nsôih ân hun hao kơt công nghiệp-ndâk nkra, pă tơm prăk ntuh kơl nsum, rgum ntuh kơl ê geh dơi. Ăp ntoh măt mbơh, rnôk aơ prăk ntuh kơl hao tĭng rnoh hao bah dak pring xăng, dôl khuch ngăn tât nau kan tuch tăm, tăch rgâl.

Nau kan ndâk nkra hun hao dêh yor rnoh ndoh ndơ hao khlay ndrel mbrơi ntrơn leo ntŭk ntu gay ƀư âk nau kan. Bah năp ăp nau ntul rlong đah nkô̆ nau hun hao, wa Đỗ Hữu Huy, Kruanh UBND n’gor Dak lak đă ăp rmôt kan ân ndal kơp uănh lĕ nkô̆ nau, rgum rklaih ăp nau kan hun hao dêh, ntrŭt dăng pă tơm prăk ntuh kơl nsum, doh rklaih ăp nau nkol ân ăp nau kan tơm. Nŭih dâk bôk ân geh rđau kan ngăn ndrel ndơn ăp nau mpeh nau tă dơi geh ƀư./.