Kêng măng 7/4, Uỷ ban Văn hoá ndrel Xã hội bah Quốc hội rƀŭn rơh rƀŭn dĭng lĕ tal 1, rgop nau mpeh ăp nau nchrăp Luật tĭng chroh ndrel mpôl chroh (rgâl nkra), nau nchrăp Luật rgâl nkra, ntop tay du đê̆ điều bah Luật tâm rlong, rnê nkhôm ndrel nau nchrăp nau ntrŭnh bah Quốc hội mpeh nau kan, nau ntrŭnh rgâl mhe gay hun hao nau ơm Việt Nam. Tâm rơh rƀŭn, Groi Kruanh Quốc hội Nguyễn Thị Thanh lah rjăp, nkô̆ nau tơm rnôk aơ lah ndâk neh dak nâp nâl geh nsum ma ăp nau tât bah nau rêh ndrel kon nŭih. Nau mĭn ngăn lah sŏk ƀon lan ƀư tơm, kon nŭih lah n’gâng tơm, lah nkô̆ nau ndrel nau nsôih bah ăp nau ntrŭnh.

Uỷ ban Văn hoá, rêh jêng mât nau ƀư nau kan tơm rnôk ƀư ăp nau kan geh tât nau rêh kon nŭih ntơm bah rnôk deh ân tât rnôk roh. Gay ƀư jêh lôch nau kan, Uỷ ban tâm rnglăp, ndơn nau tă geh dơi blau, nkô̆ nau dăch dŭt lah ndâk njêng du Quốc hội ƀon lan ƀư tơm, blau, pháp quyền, ueh mhe ndrel ngăn lah yor ƀon lan, mô ân nchlơi dơm ăp nau kan ntrŭnh mpeh hun hao kon nŭih./.