Ôi 7/4, Ủy ban Dân nguyện n’hanh Groi nđôi bah Quốc hội ƀư rơh rgum hop lam lĕ rngôch lor bôk năp. Lah ta rơh hop, Groi Kruanh Quốc hội Nguyễn Doãn Anh mbah rhơn Ủy ban Dân nguyện n’hanh Groi nđôi bah Quốc hội khóa XVI dơi dăp rgum ăp tŏng 35 nuĭh, nkre rnê âk nău ndăn rdâk njêng bôk nău pah kan gay an ƀư nău dơn kan rgum tơm năm 2026.

Lah rjăp ân rgâl mhe, n’hao nău dơi tam groi nđôi, Groi Kruanh Quốc hội Nguyễn Doãn Anh an lah nău kan dja mbra geh âk ntul rlong, ân rgâl mhe trong ƀư, nkô̆ gay tŏng geh ngăn ngăn. Nău kan groi nđôi ân grêt dăch Nghị quyết Đại hội XIV bah Đảng, ăp nghị quyết, trong nchrăp têh bah Trung ương n’hanh Bộ Chính trị, tâm ban kơt trong rƀŏng hun hao rđău đă bah Tổng Bí thư ta rơh hop bôk năp bah Quốc hội khóa XVI. Năm 2026, Ủy ban mbra nsŏng kơl rdâk njêng ăp đề án khlay gay n’hao nău dơi tam groi nđôi.