Nău mbơh bah N’gâng kan tuch tăm n’hanh ntŭk ntô gŭ âm n’gor Lâm Đồng an saơ, bah bôk năm tât aƀaơ rnoh khlay ndơ phân poh, dak si tu ndrŭng lĕ hao rĭng nklăp 10%, êng phân poh hao nklăp 17%. Nchroh mbơh bah aƀaơ tât dŭt năm, prăk dŏng bôk năp an nkra njêng lŏ mir mbra hao bah 3-5%, geh ndơ hao tât 10%.

Bôl rnoh khlay bôk năp hao, ntil nău kan lŏ mir, lâm nghiệp, tui ka bah n’gor Lâm Đồng hôm e mât hao jêng đăp mpăn, geh 5,39% tâm 3 năm aơ. Nău kan Tuch tăm mât rong n’hanh ntŭk ntô gŭ âm mbra mbơh ƀư tay ăp trong nkra tâm di gay ntop kơl ƀon lan. Tâm nĕ dŭt âk aƀaơ lah kơl lor đăp mpăn prăk dŏng nkra njêng, nchrăp lor mbơh ƀư ăp trong mkra n’hŭch prăk dŏng, mât uănh rjăp ndoh ndơ n’hanh ntĭm nuĭh ƀon lan rgâl, rgâl nkra trong nkra njêng, nkret gâm an tâm di./.