Ôi aơ (7/4), ta rơh hop bôk năp, Quốc hội khóa XVI pah kan tay nuĭh kruanh rđău kan gưl têh Ngih dak. Tổng Bí thư Tô Lâm dơi ăp đại biểu Quốc hội nsing nơm sơch ƀư Kruanh dak CHXHCN Việt Nam năm kan 2026-2031. Nghị quyết sơch ƀư Kruanh dak dơi ăp đại biểu Quốc hội n’hơr ti uănh an đah 495/495 đại biểu Quốc hội râng n’hơr ti ŭch. Lôch dơi Quốc hội sơch, Tổng Bí thư, Kruanh dak Tô Lâm hŏ ton dơn nău kan: "Ta nâm cờ gŭr mănh êr huêng khlay bah neh dak, bah năp Quốc hội, ƀon lan n’hanh cử tri lam dak, gâp, Kruanh dak Cộng hòa xã hội chủ nghĩa Việt Nam dăn ton dơn nău kan: Du nuih n’hâm tĭng đah neh dak, đah ƀon lan, đah Hiến pháp dak Cộng hòa xã hội chủ nghĩa Việt Nam, nsrôih, wat jêh uĕh nău dơn kan dơi Đảng, Ngih dak n’hanh ƀon lan jao an".

Lah ton dơn nău kan lôch bah kơi nê, Tổng Bí thư, Kruanh dak Tô Lâm mpơl nău lah uĕh cử tri n’hanh ƀon lan lam dak đah nuih n’hâm dơn kan, nđơr rdâk njêng ƀon tơm, neh dak n’hanh nău nsing nơm tâm Đảng Cộng sản Việt Nam hŏ ƀư jêng rơh bầu cử đại biểu Quốc hội khóa XVI n’hanh đại biểu Hội đồng nhân dân ăp gưl năm kan 2026-2031 dŭt geh nău dơi.