Ta rơh rƀŭn nchră, ndơn kan ăp ntŭk kan, rnâng kan, n’gâng kan lĕ rgum tâm nchră, uănh năl lĕ rngôch nău tât rnoh khlăy ta ntŭk. Bâh nĕ, ăp ntŭk kan, n’gâng kan lĕ mbơh dăn đă âk trong kan tơm gay ma mât uănh ueh ăp ntil rnoh khlăy tăch ndơ tâm rnôk let năp tay, kơt n’hao nău uănh nđôi, mât uănh rnoh khlăy, ngăch rmal ăp nău rvăt lor, nkrâm ndơ, n’hao rnoh khlăy mô tâm di. Wa Phạm Anh Tuấn, kruanh UBND n’gor Gia Lai đă ăp n’gâng kan, ăp ntŭk kan mbơh tơih trong kan leo uănh răng dăng, rmal răng dăng ăp nău ƀư tih, nkrâm ndơ, mbơh rnoh tăch khlăy mô tâm di, doanh nghiệp geh nău tih mbra geh rhoăt săm ƀŭt kan, mô geh ntŭk  an dơm.