Nchrăp lĕ mông nar pah kan bâh rơh rƀŭn nchră lah klâp ma 11 nar, pă jêng 2 rơh (Rơh 1: bâh lơ 6/4 tât 12/4, rơh 2 bâh 20/4 tât 23/4/2026). Ta rơh rƀŭun nchră aơ, Quốc hội mbra ƀư leo kan, nuĭh kan gưl têh bâh n’gâng kan Ngih dak, uănh n’hêl  mbơh tơih 8 nău nchrăp Luật, 1 nău nchrăp nghị quyết nău ƀư tih nău kan pháp luật, nkre lah uănh n’hêl, nău ntrŭnh ăp nău nchrăp kan têh bâh ngih dak, ntuh kơl nsum, manh trok rnon nsum ta rơh lvang 5 năm tay. Tĭng nĕ, Quốc hội mbra geh săch ăp ntŭk nău kan sŏng dăng geh: Kruanh Quốc hội, ăp groi kruanh dak, Thủ tướng Chính phủ, Chánh án Toà án nhân dân gưl têh, Viện trưởng Viện kiểm sát nhân dân gưl têh, Tổng kiểm toán ngih dak. Nkre lah, Quốc hôị an dŏng nău đă săch kan đah ăp nuĭh kan ta Chính phủ geh: ăp groi Thủ tướng Chính phủ, ăp kruanh n’gâng kan n’hanh ăp nuĭh kan ndrel bâh Chính phủ ndrel đah du  đê̆ nău kan êng geh nău dơi. Tĭng nău ntrŭnh bâh Hiến pháp năm 2013, lôch geh Quốc hội săch, kruanh Quốc hội, kruanh dak, Thủ tướng Chính phủ, Chánh án toàn án nhân dân gưl têh mbra ƀư ton dơn nău kan ta năp Quốc hội.