Lah ta rnôk ntơm pơk rơh hop bôk năp, Quốc hội khoá XVI, Tổng Bí thư Tô Lâm lah rjăp, aơ lah rơh hop dăp rgum tay ăp tŏng nuĭh kan Ngih dak tĭng Hiến pháp; nkre lah rơh hop rgum ƀư jêng ngăn ngăn trong tĭng Nghị quyết Đại hội đại biểu lam dak tâl XIV bah Đảng, njêng jâng nsing tâm di, trong tĭng n’hanh suan ntrôl trong kơl gay ndơ̆ neh dak lăp tâm rơh hun hao mhe, dăn đă ăp đại biểu Quốc hội khoá 16 ân way gĭt êng jru lah he mô dơn ntơh măt an đơn vị bầu cử, mô dơn ndjôt nkre lha phiếu nsing nơm bah cử tri, ma hôm mbăk anh kalơ mblik nău dơn kan têh đah săk rêh neh dak, đah nău nsing nơm bah ƀon lan, đah nău rêh let năp tay bah ăp rơh kơn bah kơi tay.

Ta nuih n’hâm dja, Tổng Bí thư dăn đă, Quốc hội khóa XVI rgum tĭng ƀư an jăp 4 nău dơn kan têh tâm nê ân n’hao lơn đŏng nău dơi jêng trong tĭng ngăn ngăn, jêng ngăn ngăn nghị quyết bah Đảng jêng trong kơl n’hanh pháp luật; njêng rĭng grep nău tâm di nâp gay tĭng ƀư geh nău dơi ăp nău dơn kan hun hao wăng sa- rêh jêng kon nuĭh lvang năm 2026–2031 n’hanh ăp năm bah kơi tay. Du tơ̆ tay đŏng lah rjăp, đah nău way ơm 80 năm n’gloh ang bah Quốc hội Việt Nam; ta nâm nău rđău kan han săk, bôk rngok gĭt blău bah Đảng; đah nău du nuih n’hâm, n’grŏ tĭng bah ƀon lan; đah nău kan nsum lhăt bah Chính phủ n’hanh lam trong kan chính trị; Tổng Bí thư nsing nơm an lah, Quốc hội khóa XVI mbra ƀư wat jêh ngăch prăl dơn kan rgum tơm ma Đảng, Ngih dak n’hanh ƀon lan jao an; rgop ndrel lam Đảng, lam ƀon lan, lam tahen tĭng ƀư jêng ngăn ngăn nđơr hao rdâk njêng du neh dak Việt Nam đăp mpăn, bah tâm lơh tâm su, geh nău tâm ban, geh ndrŏng, hun hao mblôn uĕh, rsang rnglăy, rhơn răm, nâp jâng chuat hao tât chủ nghĩa xã hội.