Bah năp nău ŭch geh jăch ndăn tâm nău droh “thẻ êr” bah Ủy ban châu Âu (EC), n’gor Dak Lak dôl an ƀư ăp kôp ăp trong njrăng bah lơh joi tui ka mô tâm di, mô mbơh n’hanh mô tĭng di nău way (IUU), đah rgum tơm lah mât uănh rmôt duk lơh joi n’hanh mbơh kloh rvah tơm luh tui ka.

Lam n’gor aƀaơ geh 2.576 bôk duk lơh joi đăng ký, lĕ rngôch hŏ dơi an siƀŭt lơh joi; lĕ rngôch ăp bôk duk lơh joi ntơm bah 15 mét let lơ hŏ ntrŭp ndơ groi nđôi njăr trong hăn n’hanh dơi tĭng groi nđôi. Ntơm bah năm 2024 tât aƀaơ, mpôl kan dơi kan hŏ rmal 119 nuĭh tih, lơn âk geh tât roh trong ƀoh ngơi đah ndơ groi nđôi n’hanh lơh joi tih ntŭk. Pah kan ƀoi tơm luh dơi n’hao dăng n’hanh nhật ký điện tử, đăp mpăn mât kân lhăt rnoh âk ma ndrâm ka. Tâm let năp tay, n’gor Dak Lak êt lhăt tay groi nđôi, rmal lhăt nău tih n’hanh ntrôl dăng nkoch trêng gay n’hao nău gĭt êng bah nuĭh ƀon lan lơh joi tui ka, rƀŏng tât droh rklaih “thẻ êr” jŏ jong.