Ôi 9/4, ta ntŭk kan Chính phủ, Thủ tướng Chính phủ Lê Minh Hưng ƀư tơm nar rƀŭn đah Rnâng kan Chính phủ ndrel Rnâng kan Đảng uỷ Chính phủ. Rơh rƀŭn rgum uănh bôk nau ntrŭnh âk nau kan bah nau rƀŭn mrô 18-KL/TW mpeh nau hun hao văng sa, rêh jêng, tơm prăk neh dak, ndrel nau ngăch doh rklaih nau nkol tâm ăp nau kan hôm nkol. Lah rjăp aơ lah rơh rƀŭn bôk năp jêh ƀư nâp Chính phủ năm kan 2026-2031, Thủ tướng Lê Minh Hưng đă ăp nŭih kan nsum ndal nhŭp ty tâm nau kan tâm nrôk âk nau kan nkre ndal, nkre jŏ jong. Bah nau kan mêt uănh, rnôk aơ tâm lam dak hôm nklăp 1.500 nau kan hôm mâp nau jêr, nkol.

Thủ tướng jao ân Văn phòng Chính phủ ndrel N’gâng kan tơm prăk ƀư tơm, tâm rgop ma ăp n’gâng kan, ntŭk kan, n’gor, đah nau rđau kan bah Groi Thủ tướng Nguyễn Văn Thắng, ƀư jêh nau mbơh ma gưl kan geh nau dơi, nkre uănh nau đă pơk hvi nau dơi gay ma rklaih gay ƀư n’ho ueh nŭih kan, der nau mpŭng lir drăp ndơ bah Ngih dak, ntŭk kan ndrel ƀon lan./.