Ôi lơ 9/4, ta ntŭk kan Báo ndrel ntoh nau ngơi-ntoh rup Quảng Ninh, nau tâm rlong ntoh nau ngơi sŏng ntơm geh ƀư nau Tâm rlong ntoh nau ngơi lam dak tal 17 yor Radio Việt Nam tâm rgop nsum ma UBND n’gor Quảng Ninh ƀư. Aơ lah nau kan mro geh ntrŭnh ƀư ơm, nkre lah nau ƀư gay rgum nau kơl an âk bah ăp nŭih ƀư báo ntoh nau ngơi. Năm aơ, nkô̆ nau aơ rgum geh 26 rmôt tâm rlong đah ăp êkip geh âk nau gĭt, nau dơi blau, tă geh nau nkhôm prêh tâm ăp rnôk tâm rlong.

Nau ƀư kan geh ntơm 30 tât 45 mnĭt njêng nau dơi ueh gay ăp rmôt kan ntoh nau ƀư jru mpeh nkô̆ nau, nau dơi rklaih ăp nau tât ndrel nau blau rnôk nkoch mbơh nau sŏng. Tĭng nau mbơh uănh năl bah Tiểu ban Giám khảo, ăp rmôt tâm rlong hŏ nchrăp ndop ăp nau mpeh nau ntrŭnh bah Đảng ndrel Ngih dak, ngăn lah nau ƀư ngăn Bôk nau ntrŭnh Đại hội Đảng tal XIV lăp tâm nau rêh. Âk nau ƀư nau kan ngăn kơt ăp nau nkol tâm nau leo lăp dŏng nau kan n’gâng kan bar gưl ndrel ăp nau doh rklaih kŏ geh mbơh sŏng, nkoch ngăn ngăch bah ăp nau ntoh ngơi mhe./.