Ôi lơ 9/4, tâm phường Buôn Ma Thuột, rmôt kan Khoa học kỹ thuật Lâm nghiệp n’gor Dak Lak tâm rgop nsum ma ăp rmôt kan ƀư nar rƀŭn lôch Bôk nau kan ndâk tăm bri tâm rgop ma pâl n’aoh nsum mpôl gay ƀư ueh nau rêh jêng tâm xã Đắc Phơi. Bôk nau kan ntrŭnh ƀư ntơm khay 3 năm 2024 tât khay 3 năm 2026, đah tơm prăk bơ tât du rmen n’gul yor Bôk nau kan hun hao Liên hợp quốc kơl an bah tơm prăk ntŭk ntu lam ntur neh. Jêh 2 năm ƀư, nau kan geh kơp dơi tât 2000 ha bri ndrel neh bri, kơp uănh 150 rnăk ƀon lan, ndâk 5 nau kan tuch tăm tâm rgop nsum ma rnoh neh 2,5 ha;

ƀư nau ntĭm mbơh, jao nau kan tuch tăm ân nâp nâl, dŏng biochar, bah nê 80% rnăk ƀon lan ton dŏng. Nkre, kơl an hun hao ăp nau kan pâl n’aih nsum mpôl tâm bon Đung ndrel ƀon Tlong, ăp nhoat njêng nau kan kơl an tâm nau rêh geh nsum ma nau mât njrăng bri. Âk nau đă ân lah gay n’hao nau tâm rgop ma n’gâng kan, nŭih kan khoa học, ntŭk kan tăch rgâl ndrel nsum mpôl gay mât, pơk hvi nau kan ân geh săk tam jŏ jong./.