Lơ 16/7, UBND n’gor Lâm Đồng geh sam ƀŭt ndal ntĭm rđău ăp ngih pah kan, ntŭk kan, ăp nkuăl, nkual ƀon têh tâm n’gor ndăn mbơh ƀư ăp trong rdâng đah n’hach n’hanh mih têh. Dŭt n’hâm trơn nuĭh ƀon lan luh nkual geh pĭch rlâm neh, dak rchoh. Tĭng nĕ, UBND n’gor Lâm Đồng đă ăp ngih pah kan, ntŭk kan, ăp nkuăl n’hanh nkual ƀon têh Đà Lạt, Bảo Lộc ƀư kơp uănh na nê̆, saơ ngăch ăp nkual geh pĭch rlâm, dak rchoh, dak băm, ngăn lah ăp nkual ƀon lan gŭ, ngih sam ƀŭt, ngih pah kan, ngih tahen, ngih măy, xí nghiệp...

Dŭt n’hâm trơn nuĭh ƀon lan n’hanh drăp ndơ luh nkual, mô lah geh trong nchrăp đăp mpăn nău rêh, n’hŭch khuch khat đah drăp ndơ, mô an geh nu nău tât ndal. Nkre, nchrăp ƀư tĭng trong tâm pă, ntop kơl, đăp mpăn ntŭk gŭ dêr, đăp mpăn nău rêh an ăp rnăk trơn gŭ. Êng nkuăl Đam Rông, UBND n’gor Lâm Đồng ntĭm rđău nkra khuch khat nău pĭch rlâm geh ta xă Đạ K’Nàng, ƀư chop khâl, ntrŭt nsôr, ntop kơl rnăk geh nuĭh khĭt.