Jêh 3 nar ƀư đah âk nau kan ueh, măng 13/3, ta Quảng trường 10/3 n’gor Dak Lak hŏ geh nau ƀư Lôch nar Lễ hội Cà phê Buôn Ma Thuột tal 9. Geh ntơm lơ 9-13/3, lễ hội rgum geh 250 rbăn năch tâm dak tât ma Dak Lak, tâm nê geh 1.800 tŏ năch dak ba dih. 17 nau kan tơm bah lễ hội ân nau ueh tâm ƀon lan. Âk nkô̆ nau geh rgâl mhe, blau mhe êp nkô̆ “Buôn Ma Thuột-Ntŭk tât bah cà phê lam ntur neh” hŏ nkoch nau: Ndơn, ntŭk tât, tâm rnglăp bah cà phê Việt Nam.

Tâm rnôk ƀư, rơh bôk năp nŭih dâk bôk ntŭk kan cà phê lam ntur neh geh nau ntoh ngơi nkah nau khlay tâm nau n’hao nau dơi bah cà phê Việt Nam tâm bản đồ lam ntur neh. Tâm ăp nar ƀư lễ hội geh âk nau kan nthoi tăch rgâl hŏ rgum âk ntŭk kan tăch luh rvăt lăp cà phê tâm dak ndrel dak ba dih râng. Ndrel ma nê lah ăp nau kan văn hoá khuh n’gôr, ueh. UBND n’gor Dak Lak mbơh: Lễ hội cà phê tal 9 hŏ geh nau dơi, rƀŏng tât nkô̆ nau ndâk “Buôn Ma Thuột jêng ntŭk tât bah cà phê lam ntur neh”./.