Bôk nau kan geh nau dăng 1.900m3/măng, nar, kơl an nklăp 2.900 rnăk, yor Chính phủ Hàn Quốc kơl an, ƀư tâm nkuăl têh Buôn Hồ, n’gor Dak Lak. Tĭng nkô̆ nau mbơh nkah, Chính phủ Hàn Quốc mra kơl dơm 9,2 rkeh đôla ndrel Chính phủ Việt Nam đor lor geh 760 rbăn đôla gay ƀư Ntrong n’hoch dak ndrel rklaih dak ndŏk nkuăl têh tâm nkuăl têh Buôn Hồ, n’gor Dak Lak. Wa Nguyễn Thiên Văn, Groi Kruanh UBND n’gor Dak Lak mbơh, Bôk nau kan geh KOICA mbơh uănh ndrel geh Chính phủ Hàn Quốc ân ƀư ntơm năm 2024. Ăp nau kan uănh, ndâk ƀư nâp ntơm bôk năm aơ kơl an 2 ding hăn tât nau tâm boh, đăp mpăn dŏng prăk tâm di, săk tam, tŏng dơi nau ŭch hun hao nâp bah nkuăl têh./.