Lôch dŭt jêh uĕh lăng hăn khâl gưl Ngih dak Cộng hòa Kazakhstan, kêng măng 7/5 (tĭng mông ta ntŭk), Tổng Bí thư Tô Lâm n’hanh I ur ndrel Mpôl ntơh măt gưl têh Việt Nam hŏ tât khâl gưl Ngih dak tât Cộng hòa Azerbaijan, tĭng nău jă bah Tổng thống Ilham Aliyev. Việt Nam n’hanh Azerbaijan njêng tâm boh ntơm bah năm 1992. Ăp năm mhe aơ, tâm boh wăng sa- tăch rgâl đah Việt Nam n’hanh Azerbaijan hun hao dăng.

Việt Nam lơn âk tăch n’gluh máy tính, điện thoại n’hanh ndơ ntrŭp nkra, tui ka tât Azerbaijan, rvăt n’glăp pring kât n’hanh ăp ndơ geh ƀư bah tơm pring. Hăn khâl rơh dja bah Tổng Bí thư Tô Lâm lah hăn khâl gưl dŭt têh bah Kruanh rđău kan Đảng n’hanh Ngih dak Việt Nam tât Azerbaijan, mbra rgop n’hao dăng lơn đŏng tâm boh bar dak, lơn lah tâm ăp trong kan Azerbaijan săk geh âk, lơn lah n’gâng kan pring n’hanh âk n’gâng kanh êng ƀa ƀă.