Lơ 7/5, ta Hải Phòng, Quân chủng Hải quân ƀư nkah 70 năm Nar ndâk Hải quân ƀon lan Việt Nam (7/5/1955-7/5/2025) ndrel ndơn Huân chương Hồ Chí Minh. Kruanh dak Lương Cường, Kruanh Hội đồng neh dak, rnă njrăng, rđau kan rmôt tahen ƀon lan râng ndrel pă Huân chương Hồ Chí Minh pă ân Quân chủng Hải quân. Pă Huân chương Hồ Chí Minh, nau nkhôm prêh khlay bah Đảng, Ngih dak ân Quân chủng Hải quân ndrel ntoh nau tâm nar rƀŭn, ntoh măt rđau kan Đảng, Ngih dak, Kruanh dak Lương Cường rhơn, rnê ăp nau rgop têh bah Hải quân ƀon lan Việt Nam tâm nau kan cách mạng bah Đảng, bah rnoi mpôl tâm 70 năm ma aơ.

Kruanh dak lah rjăp, ăp năm tât, nau kan lam ntur neh, nkuăl đăp mpăn, tâm boh hôm lah nau tơm; yơn, lŏ geh nau jêr jŏt, jêr nchroh, ntul rlong đah ăp dak têh, ăp ntŭk kan tơm hôm geh nau jêr. Kruanh dak lah rjăp, dak lêng, gôl dak geh ntŭk khlay ngăn ân nau hun hao văng sa, rêh jêng, tâm rnglăp lam ntur neh, lah ntŭk khlay ngăn mpeh nau neh dak, rnă njrăng. Mât đăp mpăn dak lêng, gôl dak lah nau mĭn, nau ŭch, lah nau kan bah lam Đảng, lam ƀon lan, lam tahen nơm, tâm nê Hải quân ƀon lan Việt Nam lah rmôt kan tơm./.