Tâm nchră tâm rmôt mpeh nau nchrăp ntrŭnh bah Quốc hội rgâl nkra, ntop tay du đê̆ điều bah Hiến pháp năm 2013, Kruanh Quốc hội Trần Thanh Mẫn đă, ăp ntoh măt ân lŏ uănh khlay, rgop nau tâm ngih rƀŭn kŏ kơt lah nau rgop đah săm ƀŭt’ geh nau ƀư nâp tât rnôk dơi geh dŏng nau nchrăp ntrŭnh khlay ngăn aơ. Kruanh Quốc hội ân lah, rnôk aơ ƀon lan, cử tri dôl kâp rnơm tâm nau ƀư rtŭt gleh ntrong kan, săk tam nau kan. Yor rơh rlau aơ, Đảng, Ngih dak ntrŭnh âk nau gay rtŭt gleh trong kan, nau kan.

Yơn ngăn lah, nau n’huch hôm nau ƀư ê ngăn, leo tât ntrong kan hôm nkol, biên chế jêng rmeh. Rơh aơ, nau ƀư rtŭt gleh ntrong kan tĭng nuih n’hâm nau ntrŭnh mrô 18 lah nau ntrŭnh tâm ban nau ŭch bah ƀon lan. Tâm ban nau ŭch bah Đảng, nuih n’hâm ƀon lan. Ŭch ƀư ăp nau aơ ri rơh bar lah nau jêr, jêr lah ân rgâl tay Hiến pháp. Kruanh Quốc hội lah rjăp, nau rgâl mhe Hiến pháp ndrel ăp nau ntrŭnh ân geh hăn lor du nhoat, gay njêng ntrong pháp lý nâp tâm ntŭk ƀư kan./.