Ndơn nau jă bah Thủ tướng Phạm Minh Chính, Thủ tướng Tây Ban Nha Pedro Sánchez geh rơh hăn khâl tât Việt Nam nyơm lơ 8/4 tât lơ 10/4. Ơ lah rơh bôk năp Thủ tướng Tây Ban Nha khâl ngăn Việt Nam kơp ntơm rnôk bar dak ndâk nau tâm boh nchră nau tâm năm 1977 ndrel kŏ lah rơh hăn khâl Việt Nam bah rđau kan gưl prêh Ngih dak Tây Ban Nha kơp ntơm rơh khala bah Kđăch Juan Carlos ndrel i ur păng Sofia tâm năm 2006.

Tây Ban Nha lah dak kan nsum bah năp bah Liên minh Châu Âu kí ton nau tâm boh kan nsum đah Việt Nam tâm năm 2009. Dak aơ kŏ lah ngoai tâm ăp dak bôk năp ton ƀư nau kơp ntuh kơl bah EU-Việt Nam. Rơh khâl lah rnôk ƀư ueh ân nau tă dơi bah nau tâm boh đah bar dak tâm rơh rlau aơ, ntơm bah chính trị tât văng sa, ntuh kơl tăch rgâl, văn hoá, neh dak, rnă njrăng, ntĭm nti ndrel gung trong nchuăn rdeng./.