Ntoh ngơi ta rơh mâp măt, Tổng Bí thư, Kruanh dak lah rjăp, Đảng, Ngih dak n'hanh ƀon lan way nkah gĭt n'hâm suan bah ăp nuĭh lĕ nsơr suan, roh yot an neh dak. Nuih n'hâm nkah gĭt ân dơi mpơl ma ăp nău kan ngăn ngên, mât uănh săk soan, nău rêh n'hanh nuih n'hâm an nuĭh geh soan. Đại đội Bu ur ƀĭt ndeh Trường Sơn ơm geh săk lah Trung đội bu ur ƀĭt ndeh njêng nar 18/12/1968.

Tâm rơh tâm lơh mprơh Mỹ, ăp bu ur tahen lĕ rlet rlău âk trong hăn jêr jŏt, rdeng ndoh ndơ rhŏ an ntŭk tâm lơh n'hanh ndơ̆ tahen sĭt ntŭk săm ji. Năm 2014, ntŭk kan geh pă nău ntơ Anh hùng Lực lượng vũ trang nhân dân. Tổng Bí thư, Kruanh dak đă N’gâng kan mât njrăng bri dak tâm rgop đah ăp ntŭk uănh nđôi, doh rklaih tŏng ăp nău kơl, nău kan an ăp nuĭh tŏng nău dơi; mât uănh săm ji, ntop kơl ăp nuĭh geh nău rêh jêr jŏt n'hanh nta nău dơh nơih mât tâm mâp way ơm ăp năm. Nkre, đă gưl ủy, n'gâng kan ƀon lan n'hanh ăp mpôl kan nsum mpôl hăn ndrel tay, mât uănh nuĭh geh soan đah nău dơn kan n'hanh lĕ đah nău kan, gay nău dơi hun hao neh dak dơi mpơl tâm nău rêh bah ăp nuĭh lĕ roh yor neh dak.