Ôi 4/11, ta nhih pah kan Bộ Quốc phòng, Thứ trưởng Bộ Quốc phòng, Thượng tướng Phạm Hoài Nam wơt mpôl cán bộ, sỹ quan Bộ Quốc phòng, Mpôl tahen njrăng n’gang n’hanh Prăk nkrem bah tâm lơh tâm su Sasakawa Nhật Bản.

Ta rơh wơt, Thượng tướng Phạm Hoài Nam rnê âk nău Bộ Quốc phòng Nhật Bản n’hanh Prăk nkrem bah tâm lơh tâm su Sasakawa hŏ kan nsum  lhăt đah Bộ Quốc phòng Việt Nam an ƀư bôk nău kan tâm nđŭr sỹ quan gưl tá, gưl úy Việt Nam-Nhật Bản tâm 7 năm aơ. Thượng tướng Phạm Hoài Nam lah rjăp Việt Nam uănh khlay n’hao dăng tâm nđŭr, tâm boh đah ăp mpôl kan, nsum mpôl, uănh aơ lah trong tâm boh geh nău tam yor nău geh bah ƀon lan bar dak. Thượng tướng Phạm Hoài Nam ŭch rŏng Prăk nkrem bah tâm lơh tâm su Sasakawa uănh khlay an ƀư tay tâm boh, ntop kơl Việt Nam tâm ntĭm nti, dak si, ntŭk gŭ rêh, ntĭm nti tơm nuĭh kan, lơn lah tâm trong kan kơl nuĭh kơt kơl nuĭh quet nte, tahen ơm rmanh kop ji, nuĭh ji khêh dak si dioxon.