Kêng măng 28/4, Rmôt kan ntoh măt Quốc hội n’gor Dak Lak ƀư rƀŭn nchră sŏk nau rgop bah ăp n’gâng kan, ntŭk kan, nkuăl tâm n’gor rgop đah 7 nau nchrăp luật mbơh Quốc hội tâm rơh rƀŭn tal 9, Quốc hội gưl XV. Bar luật ndơn geh nau kơl rgop âk ngăn bah ăp ntoh măt lah Luật ƀư n’gâng kan (rgâl nkra) ndrel nau nchrăp Luật nai ntĭm nti. Rgop tâm nau nchrăp Luật nai ntĭm, wa Lê Thị Kim Oanh, Groi Giám đốc N’gâng kan ntĭm nti Dak Lak ân lah:

Ăp nau kơl an mhe, ngăn lah đah nai ntĭm nti mầm non, kơt ân rlu ranh ơm âk ngăn lah 5 năm rđil ma năm ân dơi rlu, kơl an ntŭk gŭ, mât chăm n’hâm kan, ntĭm nti nau kan lah nau tâm di đah nau ŭch, pơk nau nsôih ân rmôt nau ntĭm ƀư ueh nau kan nơm. Yor mât rnoh prăk khay tĭng năm kan lah nau gay kơl an ndrel nkah nau rgop aơ bah rmôt nai ntĭm ndrel ân nai ntĭm mât dơi jŏ jong nau kan, ntơm bah nê geh nau n’hao lơn nau ntĭm nti đăp mpăn ndrel nâp nâl./.