Tĭng nău uănh năl bâh Chính phủ, nău nchrăp tơm prăk ngih dak geh mbơh tâm rnôk hôm nha geh nău tât rnôk ma nău wăng sa- rêh jêng tâm dak n’hanh bah dih geh âk nău rgâl, nău kơl mpeh sŏk tay kơt ơm, ntŭk tăch rgâl neh ntu ê hŏ geh saơ ndâk nsơm na nê̆, nău mhe nău ngăn ƀư tĭng nău kan, mplơ̆ prăk ngih dak tâm ba năp nơh hôm nha mbrơi...jêng tât jêr jŏt rnôk ƀư nău nchrăp kan. Tâm rnôk nĕ, nău kŏ jêr âk geh nđâp: trok an ăp nău kan ndơ dŏng ntung trong khlăy êng, ăp nău kan khlăy êng mpeh chính trị, nchră nău đah dak bah dih, mât đăp mpăn rnă njrăng ngih dak, mât đăp mpăn nău rêh jêng...mpeh nău nchrăp sok dŏng tơm prăk ngih dak, trong kan pă an tơm prăk ngih dak trung ương nămk 2025, chính phủ nchrăp ƀư pă dăp mât đăp mpăn nău way kan ơm, an lor pă dăp n’hao rnoh ntuh kơl an hun hao ta rnoh ueh âk, pă dăp trok rnon tŏng ăp, di năm, nău nchrăp dŏng rnoh ntêm nkrem, prăk nkrem ngih dak ta rnoh tâm di gay ma njrăng ăp nău kan ngăch ndal ntoh luh.