Ta nkuăl ƀon têh Tịnh Tây, Trung Quốc hŏ geh rnôk tâm nchră nau 3 khay bôk năm 2024 đah rmôt kan ntoh măt tâm rgop bah 12 đồn Biên phòng tâm Tahen Biên phòng Cao Bằng ndrel tahen Biên phòng Hà Giang (Việt Nam) đah rmôt kan ntoh măt chi đội Mât nkuăl n’har bri Bách Sắc, Quảng Tây (Trung Quốc).

Tâm nar tâm nchră, bar ding râm ban nau mbơh, tâm 3 khay bôk năm 2024, bar ding hŏ ƀư ueh nau kan tâm rgop tâm nau mât nkuăl n’har bri tĭng nuih n’hâm 3 nau ntrŭnh pháp lý mpeh nkuăl n’har bri tâm neh dak Việt Nam-Trung Quốc, tâm rgop geh săk tam tâm ăp nau kan lơh, njrăng rdâng phung tih dôih. Gay ƀư ueh lơn tay nau tâm rgop tâm khay 6 năm 2024, bar ding tâm ban nau săch mông nar gay lo mât ƀư ân rjăp nau ntrŭnh bah văn kiện pháp lý n’har bri neh kơh Việt-Trung./.