Nău rgum rlău 150 đại biểu lah cán bộ Đoàn, hội viên druh ndăm n’hanh ăp doanh nhân mom ntoh lư bah pe dak.

Lah ta rơh tâm nđŭr, ăp nuĭh ntơh măt lah rjăp da dê: Việt Nam, Lào n’hanh Campuchia hŏ ndrel tâm nkoch lịch sử, tâm nđŭr krêp dêh jŏ jong; tă hăn ndrel, tâm kơl nsum rlău ăp rơh jêr jŏt bah lịch sử rlăch ndăng rklaih luh rnoi nuĭh. Tâm rơh rgâl mhe, pe dak ndrel hăn tay tâm n’gâng kan rdâk njêng, mât njrăng n’hanh hun hao neh dak. Tâm boh dêh bên lah jâng ntơm khlay gay ăp n’gor pơk hvi tâm boh ngăn ngăn ta âk trong kan: wăng sa, tăch rgâl, ntuh kơl, ntĭm nti, khoa học - công nghệ, văn hóa n’hanh pâl nđaih. Ta bôk nău kan, Tỉnh đoàn Gia Lai hŏ ƀư ký ton siƀŭt nchih nkah tâm boh lvang năm 2026 - 2030 đah Tỉnh đoàn ăp n’gor Sekong, Salavan n’hanh Attapeu (Lào) gay tĭng ƀư jêng ngăn ngăn ăp nău tâm ton hun hao.