Măng nđaơ (19/6), ta Ngih kan Chính phủ, Thủ tướng Phạm Minh Chính mâp măt kruanh, tă ƀư kruanh ăp ngih pah kan Báo chí Cách mạng Việt Nam (21/6). Ta nar mâp măt, Thủ tướng mpŏng ăp nuĭh báo mât uĕh nău way ơm 100 năm Báo chí cách mạng Việt Nam, đah “Nuih n’hâm ang, săk kloh uĕh, mâng nchih hơr” rgop tay an nău kan hun hao bah neh dak, bah rnoi nuĭh n’hanh nuĭh ƀon lan.

Mpeh dăn đă n’hao nchăm ndơ báo chí, Thủ tướng đă N’gâng kan Văn hóa Thể thao pâl nđaih tâm 1 khay ƀư ndâk njêng Nghị quyết ntrŭnh na nê̆ mpeh nău nchăm ndơ, nkô̆ nău nchăm, trong ƀư trok prăk... an báo chí. Geh tât ndoh ndơ công nghệ thông tin, Thủ tướng jao an N’gâng kan Khoa học n’hanh Công nghệ ndâk njêng ăp Luật, geh trong mkra tâm di tĭng nkô̆ nău uĕh 3 nuĭh: Ngih dak, nuĭh mạng, nuĭh báo. Đăp mpăn 3 ding ndrel geh. Thủ tướng đă ơm an Nghị định mpeh mpla nsơ ta báo chí, mkra tay ăp nău hôm e năm bah năp. Rơh aơ, Thủ tướng đă đŏng, N’gâng kan prăk kaih mĭn njêng n’hao nău geh an báo chí.