Nthoi tay nar hăn khâl ngăn Liên bang Nga, ta Nhih pah kan Đuma Quốc gia Nga, Thủ tướng Phạm Minh Chính hŏ ôp srĭng nău Kruanh Đuma Quốc gia Nga Vyacheslav Volodin ndrel ntơh măt âk đảng tâm Đuma Quốc gia Nga.

Ta rơh ôp srĭng nău, Kruanh Đuma Quốc gia Nga lah rjăp nău nchrăp kan nsum đah mpeh Việt Nam, an ƀư ăp nău tâm ton gưl têh, ndơ̆ tâm boh têh jong lam lĕ rngôch Việt Nam - Nga nar lơn ma lăp tâng jru, ngăn ngăn n’hanh nsĭt geh nău dơi.

Ta rơh mâp, bar ding lah rjăp tâm bah ri aơ tâm boh đah bar Quốc hội hun hao dŭt uĕh lăng; Quốc hội bar dak hŏ kan nsum lhăt, tâm boh nsĭt geh nău dơi tâm lĕ ma bar ding n’hanh âk ding, an  ƀư geh nău tam ăp trong tâm boh dôl geh đah bar dak, lơn lah ƀư tâm pleh rơh hop bah Ủy ban tâm boh bar Nghị viện. Bar ding nsing nơm an lah Quốc hội bar ding mbra nta trong dơh tay gay an ƀư ăp nău tâm ton đah kruanh rđău kan gưl têh bar dak; nsing nơm ăp nhih pah kan njêng pháp luật bar dak tâm năm kan mhe mbra way grêt dăch, ndrel hăn n’hanh ndrel nhih pah kan bar dak rgop ngăn ngăn tâm nău n’hao têh tâm boh Việt Nam - Nga tâm rơh tâm boh mhe.