Gay nău mbơh ƀư tĭng Trong nchih săk joi tui ka n’hanh nchih rwăt, rdêng tui ka điện tử geh săk rnglăy ngăn ngên tĭng ntĭm rđău bah Thủ tướng Chính phủ, Kruanh UBND n’gor Lâm Đồng Hồ Văn Mười jao an N’gâng kan Tuch tăm mât rong n’hanh ntŭk ntô gŭ âm ƀư tơm, tâm rgop đah n’gâng kan, nău kan ƀon lan geh tât ƀư tĭng rĭng âk nkô̆ nău.

Kruanh UBND n’gor Lâm Đồng jao an  N’gâng kan tuch tăm mât rong n’hanh ntŭk ntô gŭ âm tâm nchră jao an Trong ƀư mât uănh, pơk ƀĭt n’hanh dŏng phần mềm trong nchih joi tui ka n’hanh nchih rwăt, rdêng tui ka điện tử ta lam n’gor, jêh bah năp lơ 31/3/2026. Ndrel đah nău ntrŭnh ƀư tĭng nchih joi tui ka điện tử, n’gor Lâm Đồng dôl ƀư dŭt n’hâm, rĭng âk trong mkra gay ndrel đah ăp n’gor geh dak lêng ta lam dak rơih jăng nău “thẻ vàng” IUU, rƀŏng tât hun hao nău kan tui ka nâp nâl, geh lĕ đah nău kan n’hanh tâm rgop đah nău ntrŭnh lam ntŭr neh.