Ta rƀŭn nchră bah meng nău uănh lah săk rnglăy tăch n’gluh phe năm 2025, trong rƀŏng ƀĭt joet tăch n’gluh phe năm 2026 n’hanh năm tât. Mpeh ntŭk tăch n’gluh phe tâm 2 khay bôk năm 2026, Philippines lah ntŭk tăch rwăt phe têh ngăn bah Việt Nam, geh rnoh âk rlău 55% dĭng lĕ phe tăch n’gluh bah lam dak, geh 711.264 tấn, hao 30% nkôp đah rơh aơ năm 2025; Dâk tal 2 lah ntŭk tăch Trung Quốc, geh nklăp 14% dĭng lĕ tăch n’gluh phe bah Việt Nam, geh 178.165 tấn, hao rlău 143% nkôp đah rơh aơ năm 2025.

Nchroh mbơh bah khay 3 tăch n’gluh phe Việt Nam an ăp ntŭk tăch mbra geh khuch yor tâm lơh ta nkual Trung Đông, nkre prăk rdêng tâm dak hao 20.000-30.000 prăk/tấn phe; jêr tâm rlong bah ăp dak tăch n’gluh phe têh kơt Thái Lan, Ấn Độ, Pakistan; ntŭk tăch phe ba âk yor yan puh 2025-2026 lăp lvang rek mprah âk.