Kêng măng 24/3, ta ntŭk kan N’gâng kan nchră nau, Kruanh n’gâng kan nchră nau Đặng Hoàng Giang, Kruanh SOM ASEAN Việt Nam hŏ vơt nŭih kan ntoh măt bah dak Anh ta Việt Nam Iain Frew gay tâm nchră tât nau kan tâm boh ASEAN-Anh ndrel tâm boh bar ding Việt Nam-Anh.

Tâm nar vơt, Kruanh n’gâng kan Đặng Hoàng Giang lah rjăp, Việt Nam, đah nau dơi lah dak rđau nau tâm boh ASEAN-Anh lvang 2024-2027, mra lŏ tâm rgop rjăp ma Anh gay rƀŏng nau tâm boh ASEAN-Anh hun hao rjăp, ăp ntil, jŏ jong ndrel ƀư nau kan ngăn, tâm di ma nau ŭch tâm boh bah bar ding ndrel ƀư nau kan ueh đah nau đă bah rnôk mhe.

Việt Nam kŏ dôl nsôih rđau, ntrŭt dăng nau ndâk nau nchrăp ƀư kan ASEAN-Anh lvang năm 2027-2031, rgum tâm ăp nau kan tâm boh geh kơl an lor kơt văng sa, tơm prăk, ntrơn rgâl ndrih, hun hao nâp nâl, rdâng ma nau ntrơn rgâl trôk nar, rgâl blau mhe, tâm boh dak lêng...mpeh nau tâm boh bar ding, Kruanh n’gâng kan Đặng Hoàng Giang rnê prêh nau kơl an bah Anh ân an Việt Nam tâm nau kan ndâk njêng ntŭk tơm prăk lam ntur neh, ntrŭt dăng tâm boh tâm ăp nau kan, đă Anh nsôih ƀư ngăn nau pă nau tă dơi geh blau tâm nau ntrơn rgâl ŭnh nar kloh./.