Tâm rnôk hăn khâl ngăn dak Liên bang Nga, lơ 23/3, Thủ tướng Phạm Minh Chính hŏ tâm nchră ma Thủ tướng Liên bang Nga Mikhail Mishustin ta ntŭk kan Thủ tướng. Bar ding tâm nchră, tâm ban âk nau kan doh rklaih nau jêr, ntrŭt dăng tâm boh ăp ntil, rƀŏng tât nau geh dơi tâm nau tâm boh Việt Nam-Nga tĭng trong ngăn, săk tam, nâp nâl, yor nau geh dơi nsum bah ƀon lan bar dak ndrel nau nâp nâl, ueh lăng tâm nkuăl, lam ntur neh. Bar Thủ tướng lah rjăp nau nsôih leo nau tâm boh văng sa, tăch rgâl, ntuh kơl jêng văng sa tơm.

Ntrŭnh ân tam nau tâm ton dah rŏng tăch rgâl đah Việt Nam ndrel rmôt văng sa Á-Âu, pơk hvi nau tâm boh tăch rgâl ndoh ndơ, ntrŭt dăng ntuh kơl bar ding. Nkre lah, bar ding tâm ban nau mĭn tâm boh tâm ăp nau kan ŭnh nar mhe, ŭnh nar kloh, ŭnh nar ndâk tay. Nau ngăn lah, bar rđau kan rnê prêh nau kí ton tâm boh ndâk njêng ngih máy điện ndrak nsiu tâm Việt Nam, pơk luh nau kan tâm boh mhe đah bar dak./.